TNPSC தேர்வுக்கான முக்கிய தினசரி நடப்பு நிகழ்வுகள் – 05-08-2026

தேசியச் செய்திகள்

சாலங்பூர் கோயிலுக்கு பதிப்புரிமை மற்றும் வர்த்தக முத்திரை பாதுகாப்பு

குஜராத் மாநிலத்தின் போடாட் மாவட்டம் அமைந்துள்ள சாலங்பூர் கோயில் அறக்கட்டளை, 54 அடி உயர "கிங் ஆஃப் சாலங்பூர்" ஹனுமான் சிலை மற்றும் கோயிலின் கர்ப்பக்கிரகத்தில் 13 குரங்குகளுடன் நிறுவப்பட்டுள்ள கஷ்டபஞ்சன் தேவ் ஹனுமாஞ்சி மகாராஜ் திருவுருவத்திற்கு பதிப்புரிமை (Copyright) மற்றும் வர்த்தக முத்திரை (Trademark) பாதுகாப்பைப் பெற்றுள்ளது. கோயிலின் படங்கள், லோகோக்கள் மற்றும் 3D மாதிரிகள் அனுமதியின்றி வணிக நோக்கங்களுக்குப் பயன்படுத்தப்படுவதைத் தடுக்க இந்த சட்டப் பாதுகாப்பு பெறப்பட்டதாக அறக்கட்டளை தெரிவித்துள்ளது. இதன்படி, டி-ஷர்ட்கள், சாவிக்கொத்தைகள், பதக்கங்கள், போட்டோ பிரேம்கள் உள்ளிட்ட பொருட்களில் "கிங் ஆஃப் சாலங்பூர்" சிலையின் படம் அல்லது 3D மாதிரியை பயன்படுத்தி தயாரிக்க அல்லது விற்பனை செய்ய கோயில் அறக்கட்டளையின் எழுத்துப்பூர்வ அனுமதி கட்டாயமாகும். மேலும், கோயிலின் லோகோ மற்றும் பிரத்யேக கலைப்படைப்புகளை சமூக ஊடகங்கள், யூடியூப் மற்றும் பிற இணைய தளங்களில் அனுமதியின்றி வணிக ரீதியாக பயன்படுத்துவதற்கும் இந்த பாதுகாப்பு பொருந்தும்.