TNPSC தேர்வுக்கான முக்கிய தினசரி நடப்பு நிகழ்வுகள் – 01-09-2025

முக்கிய தினங்கள்

தேசிய ஊட்டச்சத்து வாரம் – செப்டம்பர் 1 முதல் 7 வரை

தேசிய ஊட்டச்சத்து வாரம் ஒவ்வொரு ஆண்டும் செப்டம்பர் 1 முதல் 7 வரை இந்தியாவில் கடைப்பிடிக்கப்படுகிறது. இதன் நோக்கம் மக்கள் மத்தியில் ஊட்டச்சத்து, ஆரோக்கியமான உணவுப் பழக்கவழக்கங்கள், சமநிலையான உணவு ஆகியவற்றின் முக்கியத்துவத்தைப் பற்றிய விழிப்புணர்வை ஏற்படுத்துவதாகும்.

பெண்கள் மற்றும் குழந்தைகள் மேம்பாட்டு அமைச்சகம் நடத்தும் இந்த வாரம், போஷாக்குறை தடுப்பு, தாய் மற்றும் குழந்தை ஆரோக்கிய மேம்பாடு, உணவுப் பாதுகாப்பு ஆகியவற்றில் சிறப்பு கவனம் செலுத்துகிறது.

1982-இல் தொடங்கப்பட்ட இந்த முயற்சி, ஆரோக்கியமான இந்தியாவை உருவாக்க ஊட்டச்சத்து மிக முக்கியம் என்பதை வலியுறுத்துகிறது. ஒவ்வொரு ஆண்டும் ஒரு கருப்பொருள் (Theme) தேர்வு செய்யப்படுகிறது. அதன் அடிப்படையில், பயிற்சி முகாம்கள், சமூக நிகழ்ச்சிகள், விழிப்புணர்வு இயக்கங்கள் மூலம் மக்கள் கல்வியளிக்கப்படுகின்றனர்.

👉 2025 ஆம் ஆண்டிற்கான கருப்பொருள் – “சிறந்த வாழ்விற்காகச் சரியாகச் சாப்பிடுங்கள்” (Eat Right for a Better Life).

பெண்கள் மற்றும் குழந்தைகள் மேம்பாட்டு மத்திய அமைச்சர் திருமதி அன்னபூர்ணா தேவி

எல்.ஐ.சி தினம் – செப்டம்பர் 1

இந்தியாவின் மிகப்பெரிய மற்றும் நம்பகமான காப்பீட்டு நிறுவனம் லைஃப் இன்சூரன்ஸ் கார்ப்பரேஷன் ஆஃப் இந்தியா (எல்.ஐ.சி), 245 தனியார் காப்பீட்டு நிறுவனங்கள் ஒன்றிணைக்கப்பட்டு 1956 செப்டம்பர் 1-ஆம் தேதி நிறுவப்பட்டது. அதனை நினைவுகூர்ந்து ஒவ்வொரு ஆண்டும் செப்டம்பர் 1 எல்.ஐ.சி தினமாக கொண்டாடப்படுகிறது.

எல்.ஐ.சியின் தலைமை அலுவலகம் மும்பை, மகாராஷ்டிராவில் அமைந்துள்ளது.

இந்திய அரசு சுமார் 96.5% பங்குகளை வைத்துள்ளது.

மே 2022-ல், எல்.ஐ.சி தனது பொது பங்கு வெளியீட்டை (IPO) அறிமுகப்படுத்தியது. இது அந்நேரத்தில் இந்தியாவின் மிகப்பெரிய IPO ஆகும். இதன் மூலம் ரூ.21,000 கோடிக்கும் மேற்பட்ட தொகை திரட்டப்பட்டது.

எல்.ஐ.சி தினத்தில், நிறுவனம் தனது நிதி பாதுகாப்பு பணி, உயிர்காப்பீட்டு விழிப்புணர்வு மற்றும் நாட்டு முன்னேற்றத்திற்கான பங்களிப்பு ஆகியவற்றை வலியுறுத்துகிறது.

விளையாட்டுச் செய்திகள்

இரட்டையர் பட்டத்தை வென்றது ஆன்யா & ஏஞ்சல் ஜோடி

புனேயில் ஞாயிற்றுக்கிழமை நடைபெற்ற யோனெக்ஸ் சன்ரைஸ் இந்தியா ஜூனியர் இன்டர்நேஷனல் கிராண்ட் பிரிக்ஸ் பாட்மிண்டன் போட்டியில், இந்தியாவின் ஆன்யா பிஷ்ட் மற்றும் ஏஞ்சல் புனேரா ஜோடி, ஜப்பானின் அயோய் பன்னோ மற்றும் யூசு யுனோ இணையை 21-23, 21-12, 21-17 என்ற கணக்கில் அதிர்ச்சித் தோல்வியடையச் செய்து, பெண்கள் இரட்டையர் பட்டத்தைக் கைப்பற்றியது.

17 வயதுக்குட்பட்டோருக்கான SAFF மகளிர் கால்பந்து சாம்பியன் பட்டத்தை இந்தியா வென்றது

திம்புவில் ஞாயிற்றுக்கிழமை நடைபெற்ற தனது கடைசி லீக் ஆட்டத்தில் வங்கதேசத்திடம் 3-4 என்ற கோல் கணக்கில் தோல்வியடைந்த போதிலும், 17 வயதுக்குட்பட்டோருக்கான SAFF மகளிர் கால்பந்து சாம்பியன்ஷிப் பட்டத்தை இந்தியா ஞாயிற்றுக்கிழமை வென்றது. இரட்டை ரவுண்ட்-ராபின் முறையில் நான்கு நாடுகளுக்கு இடையே நடைபெற்ற இந்த தொடரில் இது இந்தியாவின் ஒரே தோல்வியாகும். ஆறு போட்டிகளுக்குப் பிறகு 15 புள்ளிகளுடன் இந்தியா முதலிடம் பிடித்து வெற்றியாளராக அறிவிக்கப்பட்டது. தொடர்ச்சியாக ஐந்து போட்டிகளில் வெற்றி பெற்றதன் மூலம், ஞாயிற்றுக்கிழமை போட்டிக்கு முன்பே பட்டத்தை இந்தியா உறுதி செய்திருந்தது.

வெண்கலப் பதக்கம் வென்றது சாத்விக்/சிராக் இணை

பிரான்ஸில் நடைபெற்ற பாட்மிண்டன் உலக சாம்பியன்ஷிப்பில் இந்தியாவின் சாத்விக்சாய்ராஜ் ராங்கிரெட்டி/சிராக் ஷெட்டி இணை வெண்கலப் பதக்கம் வென்றது.

போட்டித்தரவரிசையில் 9-ஆம் இடத்திலிருந்த இந்தக் கூட்டணி அரையிறுதிக்கு முன்னேறியிருந்த நிலையில், அதில் 19-21, 21-18, 12-21 என்ற செட்களில், போட்டித்தரவரிசையில் 11-ஆம் இடத்திலிருந்த சீனாவின் சென் போ யாங்/லியு யி ஜோடியிடம் தோற்றது. இந்த ஆட்டம் 1 மணிநேரம், 7 நிமிடங்கள் வரை நீடித்தது.

அரையிறுதியுடன் வெளியேறிய சாத்விக்/சிராக் இணைக்கு வெண்கலப் பதக்கம் கிடைத்தது. போட்டியின் வரலாற்றில் இவர்கள் கூட்டணிக்கு இது 2-ஆவது பதக்கமாகும். ஏற்கெனவே இந்த ஜோடி 2022-ஆம் ஆண்டிலும் வெண்கலப் பதக்கம் வென்றது.

அறிவியல் மற்றும் தொழில்நுட்பச் செய்திகள்

அருணாச்சலில் இந்திய ராணுவம் போர் தயார் நிலையை சோதிக்கிறது

இந்திய ராணுவம், அருணாச்சலப் பிரதேசத்தின் உயரமான காமெங் பகுதியில் 'யுத் கௌஷல் 3.0' என்ற பயிற்சியை நடத்தியது. இது கடுமையான இமயமலை சூழலில் அடுத்த தலைமுறை போருக்கான அதன் தயார்நிலையை வெளிப்படுத்தியது.

கஜராஜ் படையின் ஜெனரல் ஆபீசர் கமாண்டிங் மேற்பார்வையில் நடைபெற்ற இந்தப் பயிற்சியில், ட்ரோன் கண்காணிப்பு, துல்லியமான தாக்குதல்கள், நிகழ்நேர இலக்கு கையகப்படுத்தல், வான்-கடலோர நடவடிக்கைகள் மற்றும் ஒருங்கிணைந்த போர்க்கள தந்திரங்கள் ஆகியவற்றுடன் பெரிய அளவிலான பயிற்சிகள் இடம்பெற்றன. ராணுவத்தின் ಪ್ರಕಾರ, புதிதாக உருவாக்கப்பட்ட அஷ்னி (ASHNI) படைப்பிரிவுகளின் செயல்பாட்டு அறிமுகம் ஒரு முக்கிய சிறப்பம்சமாக இருந்தது.

அருணாச்சலில் இந்திய ராணுவம் போர் தயார் நிலையை சோதிக்கிறது

இந்திய ராணுவம், அருணாச்சலப் பிரதேசத்தின் உயரமான காமெங் பகுதியில் 'யுத் கௌஷல் 3.0' என்ற பயிற்சியை நடத்தியது. இது கடுமையான இமயமலை சூழலில் அடுத்த தலைமுறை போருக்கான அதன் தயார்நிலையை வெளிப்படுத்தியது.

கஜராஜ் படையின் ஜெனரல் ஆபீசர் கமாண்டிங் மேற்பார்வையில் நடைபெற்ற இந்தப் பயிற்சியில், ட்ரோன் கண்காணிப்பு, துல்லியமான தாக்குதல்கள், நிகழ்நேர இலக்கு கையகப்படுத்தல், வான்-கடலோர நடவடிக்கைகள் மற்றும் ஒருங்கிணைந்த போர்க்கள தந்திரங்கள் ஆகியவற்றுடன் பெரிய அளவிலான பயிற்சிகள் இடம்பெற்றன. ராணுவத்தின் ಪ್ರಕಾರ, புதிதாக உருவாக்கப்பட்ட அஷ்னி (ASHNI) படைப்பிரிவுகளின் செயல்பாட்டு அறிமுகம் ஒரு முக்கிய சிறப்பம்சமாக இருந்தது.

தேசியச் செய்திகள்

மிசோரமில் ரூ.8,000 கோடியில் 52 கி.மீ. தொலைவு புதிய ரயில் பாதை

மிசோரமில் ரூ.8,000 கோடியில் 52 கி.மீ. தொலைவுக்கு அமைக்கப்பட்டுள்ள புதிய ரயில் பாதையை பிரதமர் நரேந்திர மோடி, வரும் செப்.13-ஆம் தேதி திறந்து வைப்பதற்கான நடவடிக்கை எடுக்கப்பட்டுள்ளதாக ரயில்வே அதிகாரிகள் தெரிவித்தனர்.

மிசோரம் மாநிலம், பைரபியிலிருந்து சாய்ராங் வரை 52 கி.மீ. தொலைவுக்கு ரூ. 8,071 கோடியில் புதிய ரயில் பாதை அமைக்கப்பட்டுள்ளது. மிசோரம் தலைநகரான ஐஸ்வால் பகுதியை இணைக்கும் வகையில் சுமார் 52 கி.மீ. தூரத்துக்கு ரூ.5,000 கோடி மதிப்பீட்டில் பாதை அமைக்கும் திட்டம், 2014-ஆம் ஆண்டு ரயில் பாதை அமைக்கும் பணி தொடங்கியது.

இந்த ரயில்பாதையில் 55 பெரிய பாலங்கள், 87 சிறிய பாலங்கள் மற்றும் 48 சுரங்கப்பாதைகள் அமைக்கப்பட்டுள்ளன.

சர்வதேசச் செய்திகள்

அமெரிக்காவுக்கான அஞ்சல் சேவைகள் மறுஅறிவிப்பு வரை முழுமையாக நிறுத்தம்

அமெரிக்க சுங்கத் துறை வெளியிட்டுள்ள புதிய விதிகளில் உள்ள தெளிவின்மை காரணமாக, அமெரிக்காவுக்கு அனுப்பப்படும் அனைத்து அஞ்சல் சேவைகளையும் இந்திய அஞ்சல் துறை மறுஅறிவிப்பு வெளியிடும் வரை தற்காலிகமாக நிறுத்தி வைத்துள்ளது.

முன்னதாக, அமெரிக்காவின் புதிய சுங்க விதிகளால், 100 டாலருக்கு மேல் மதிப்புள்ள பரிசுப் பொருள்களுக்கான அஞ்சல் சேவையை மட்டும் இந்திய அஞ்சல் துறை நிறுத்தியிருந்தது. ஆனால் தற்போது, அனைத்து வகை அஞ்சல்களின் முன்பதிவையும் முழுமையாக நிறுத்துவதாக புதிய அறிவிப்பில் தெரிவிக்கப்பட்டுள்ளது.

கடந்த ஆக. 2-ஆம் தேதி வெளியான அறிவிப்பின் தொடர்ச்சியாக, அஞ்சல் முன்பதிவு நிறுத்தம் குறித்து அஞ்சல் துறை ஆய்வு மேற்கொண்டது. புதிய விதிகளுக்கான தெளிவான வழிமுறைகள் இல்லாததால், அமெரிக்காவுக்கான அஞ்சல்களை விமான நிறுவனங்கள் ஏற்றுக்கொள்ளவில்லை.

இதனால், கடிதங்கள், ஆவணங்கள், 100 டாலருக்கு மேல் மதிப்புள்ள பரிசுப் பொருள்கள் உள்பட அனைத்து அஞ்சல் சேவைகளின் முன்பதிவும் முழுமையாக நிறுத்தப்பட்டுள்ளது.

பிரபலமானவர்கள், விருதுகள் மற்றும் நிகழ்வுகள்

ரமோன் மகசேசே விருது

 2025-ஆம் ஆண்டுக்கான ரமோன் மகசேசே விருதுக்கு - 67-ஆவது ரமோன் மகசேசே விருது - ‘எஜுகேட் கேர்ள்ஸ்’ (பெண்களுக்கு கல்வி கொடுங்கள்) என்ற இந்திய தொண்டு நிறுவனம் தேர்வு செய்யப்பட்டதாக ஞாயிற்றுக்கிழமை அறிவிக்கப்பட்டது. இதன்மூலம், இந்திய நிறுவனம் முதல்முறையாக இந்த விருதை வென்று வரலாற்றுச் சாதனை படைத்துள்ளது.

நோபல் பரிசுக்கு இணையாக ஆசியாவில் வழங்கப்படும் விருதாக ரமோன் மகசேசே விருது கருதப்படுகிறது.

ஆசிய கண்டத்தில் வசிக்கும் மக்களுக்கு தன்னலமற்ற பொதுச்சேவைகள் வழங்குவோரை அங்கீகரிக்கும் வகையில் இந்த விருது ஆண்டுதோறும் தனிநபர் மற்றும் நிறுவனங்களுக்கு வழங்கப்பட்டு வருகிறது.

இதுகுறித்து அந்த அறக்கட்டளை வெளியிட்ட செய்திக் குறிப்பில், ‘பள்ளிப் படிப்பை இடைநிறுத்திய பெண் குழந்தைகள் மற்றும் பள்ளி செல்லாத பெண் குழந்தைகளுக்கு கல்வி வழங்கும் பணியை மேற்கொண்டு வரும் எஜுகேட் கேர்ள்ஸ் நிறுவனம், மாலத்தீவைச் சேர்ந்த ஷாஹீனா அலி (சுற்றுச்சூழல் மேம்பாடு) மற்றும் பிலிப்பின்ஸைச் சேர்ந்த ஃபிலாவியானோ அன்டோனியோ எல் வில்லனுவேவா (ஏழை எளிய மக்கள் வாழ்க்கை மேம்பாடு) ஆகியோர் நிகழ் ஆண்டுக்கான ரமோன் மகசேசே விருதுக்கு தேர்வு செய்யப்பட்டுள்ளனர் எனத் தெரிவிக்கப்பட்டது