TNPSC தேர்வுக்கான முக்கிய தினசரி நடப்பு நிகழ்வுகள் – 05-08-2025

தேசியச் செய்திகள்

பிரதமரின் ‘பரீக்‌ஷா பே சர்ச்சா’ கின்னஸ் உலக சாதனை படைத்தது

மத்திய அமைச்சர்கள் தர்மேந்திர பிரதான், அஷ்வினி வைஷ்ணவ் மற்றும் ஜிதின் பிரசாத் ஆகியோர் திங்கட்கிழமை ‘பரீக்‌ஷா பே சர்ச்சா’வின் சமீபத்திய பதிப்பிற்கான கின்னஸ் உலக சாதனை விருதை பெற்றனர். ‘பரீக்‌ஷா பே சர்ச்சா’ என்பது பிரதமர் நரேந்திர மோடியால் நடத்தப்படும் ஒரு வருடாந்திர நிகழ்வாகும். 2018 ஆம் ஆண்டு முதல் கல்வி அமைச்சகத்தால் MyGov உடன் இணைந்து ஏற்பாடு செய்யப்படும் இந்த திட்டம், “ஒரு மாதத்தில் ஒரு குடிமக்கள் ஈடுபாட்டுத் தளத்தில் அதிகம் பேர் பதிவு செய்தவர்கள்” என்ற சாதனை படைத்துள்ளது. #PPC2025 திட்டம் 3.53 கோடிக்கும் அதிகமான பதிவுகளையும், தொலைக்காட்சியில் 21 கோடிக்கும் அதிகமான பார்வையாளர்களையும் பெற்று உலக சாதனை படைத்துள்ளது என்று திரு. பிரதான் கூறினார்.

PAN 2.0 திட்டத்திற்கான டெண்டரை LTIMindtree வென்றது

அரசின் PAN 2.0 திட்டத்திற்கான டெண்டரை LTIMindtree லிமிடெட் வென்றுள்ளது. இத்திட்டம், நிரந்தர கணக்கு எண்கள் (PAN) மற்றும் வரி விலக்கு மற்றும் வசூல் கணக்கு எண்கள் (TAN) தொடர்பான அனைத்து சேவைகளையும் ஒரே தளத்திற்குக் கொண்டு வருவதை நோக்கமாகக் கொண்டுள்ளது. மத்திய நேரடி வரிகள் வாரிய வட்டாரங்களின்படி, இத்திட்டம் 18 மாதங்களில் செயல்பாட்டுக்கு வரும் என எதிர்பார்க்கப்படுகிறது. இத்திட்டத்தை செயல்படுத்துவதற்கான ஏலம் LTI Mindtree நிறுவனத்தால் ₹792.5 கோடி சரிசெய்யப்பட்ட ஏல மதிப்பில் வெல்லப்பட்டது. வருமான வரித்துறையின் PAN 2.0 திட்டம் பொருளாதார விவகாரங்களுக்கான அமைச்சரவைக் குழுவால் அங்கீகரிக்கப்பட்டது.

‘ஸ்ரீ சக்தி’ திட்டம் ஆகஸ்ட் 15-ம் தேதி தொடக்கம்

‘ஸ்ரீ சக்தி’ எனும் பெயரில் வரும் ஆகஸ்ட் 15-ம் தேதி முதல் ஆந்திர மாநில அரசு பேருந்துகளில் பெண்களுக்கு இலவச பயணத் திட்டம் அமலாகவுள்ளது. ஆந்திர மாநிலம் அமராவதியில் உள்ள தலைமைச் செயலகத்தில் நேற்று மாநில போக்குவரத்துத் துறை அமைச்சர் எம். ராமபிரசாத் ரெட்டி தலைமையில் நடைபெற்ற கூட்டத்தில் இத்திட்டம் குறித்து விரிவாக விவாதிக்கப்பட்டது. இந்த ‘ஸ்ரீ சக்தி’ திட்டத்துக்காக 6,700 அரசு பேருந்துகள் பயன்படுத்தப்பட உள்ளன. இத்திட்டத்தை நமது மாநிலத்தில் அமல்படுத்த, ஏற்கெனவே இத்திட்டம் அமலில் உள்ள தமிழ் நாடு, கர்நாடகா, தெலங்கானா ஆகிய மாநிலங்களுக்கு கடந்த ஜனவரி மாதம் ஒரு குழு சென்று ஆய்வு நடத்தியது. பல்லே வெலுகு, அல்ட்ரா பல்லே வெலுகு, எக்ஸ்பிரஸ், அல்ட்ரா எக்ஸ்பிரஸ் என அனைத்து அரசு பேருந்துகளிலும் பெண்கள் ஆதார் அட்டை, ரேஷன் அட்டை, வாக்காளர் அடையாள அட்டை, பாஸ்போர்ட் என ஏதாவது ஒரு அடையாள அட்டையை காண்பித்து இலவசமாக மாநிலம் முழுவதும் பயணம் செய்யலாம். இத்திட்டத்துக்காக அரசுக்கு ₹1,950 கோடி செலவாகிறது. விரைவில் 3,000 மின்சார பேருந்துகள் இயக்கப்பட உள்ளன. இதைத் தொடர்ந்து கூடுதலாக 1,400 மின்சாரப் பேருந்துகளும் வாங்கப்படும்.

சுற்றுச்சூழல் செய்திகள்

நாகாலாந்து சமூகக் காப்பகத்தில் மிகப்பெரிய ஆசிய ஆமை மீண்டும் அறிமுகம்

மெயின்லேண்ட் ஆசியாவின் மிகப்பெரிய மற்றும் ஆபத்தான நிலையில் உள்ள ஆசிய ராட்சத ஆமை, நாகாலாந்தின் பெரென் மாவட்டத்தில் உள்ள செலியாங் சமூகக் காப்பகத்தில் மீண்டும் அறிமுகப்படுத்தப்பட்டுள்ளது. அதிகாரிகள் கூற்றுப்படி, சௌமௌகேடிமாவில் உள்ள நாகாலாந்து விலங்கியல் பூங்காவில் இருந்து இந்த இனத்தைச் சேர்ந்த 10 ஆமைகள் சனிக்கிழமை அன்று ஒரு சமூக நிகழ்வு மூலம் விடுவிக்கப்பட்டன. இந்த நிகழ்வை நாகாலாந்து வனத்துறை மற்றும் இந்திய ஆமை பாதுகாப்பு திட்டம் இணைந்து ஏற்பாடு செய்தன. ஆமைகள், அவை சிதறுவதற்கு முன் அந்த இடத்துடன் பழகிக்கொள்ள உதவும் வகையில், முன்பே கட்டப்பட்ட மென்மையான வெளியீட்டு அடைப்பில் விடப்பட்டன. ஒரு தசாப்தத்திற்கும் மேலாக, நாகாலாந்தில் இருந்து இந்த இனம் கிட்டத்தட்ட அழிந்துவிட்டது, ஒரு காலத்தில் அவை பெரிய எண்ணிக்கையில் காணப்பட்ட போதிலும்.

சர்வதேசச் செய்திகள்

புதிய பாதுகாப்பு கவுன்சில் உருவாக்கியது ஈரான்

இஸ்ரேலும் அமெரிக்காவும் தங்கள் மீது கடந்த மூன்று மாதமாய் நடத்திய தாக்குதலின் எதிரொலியாக, ஈரான் ஒரு புதிய தேசிய பாதுகாப்பு கவுன்சிலை உருவாக்கியுள்ளது. அந்த கவுன்சிலுக்கு அப்துல் மஜித் பெளபக்ஷியான் தலைமை வகிப்பார். போர் திட்டங்களை வகுப்பது, படையினரின் வலிமையை அதிகரிப்பது ஆகிய விவகாரங்களை இந்தக் கவுன்சில் கவனித்துக்கொள்ளும். இதில் நாட்டுமறை தலைவர், நீதித்துறை தலைவர், ராணுவப் படைகளின் தளபதிகள், அமைச்சர்கள் இடம் பெறுவார்கள் என்று அறிவிக்கப்பட்டுள்ளது.

ஆண்டுக்கு ₹95 கோடி சம்பளம் வாங்கும் ஹெச்சிஎல் டெக் நிறுவனத்தின் சிஇஓ

பெங்களூரு அதிக சம்பளம் வாங்கும் இந்திய ஐபி துறை சிஇஓக்களின் பட்டியலில் ஹெச்சிஎல் டெக் நிறுவனத்தின் சி.விஜயகுமார் முதலிடம் பிடித்துள்ளார் கடந்த 2024-25 நிதியாண்டில் விஜயகுமாருக்கு ₹94.6 கோடி சம்பளம் வழங்கப்பட்டுள்ளது இதில், அடிப்படை சம்பளம் ₹15.8 கோடி, செயல்திறன் சார்ந்த போனஸ் ₹13.9 கோடி உள்ளிட்டவையும் அடக்கம் இதனால் சிஇஓ பதவியில் அவர் இந்திய சிஇஓ கள்பல் பரிவினின் சம்பளம் 22 சதவீதம் அதிகரித்து ₹80.6 கோடியாகவும், வட்டார சிஇஓ ஸ்ரீநிவாச பன்யா ₹53.6 கோடி சம்பளமாக பெறுவனர்.

பிரபலமானவர்கள், விருதுகள் மற்றும் நிகழ்வுகள்

ஜார்க்கண்ட் முன்னாள் முதல்வர் சிபு சோரன் மறைவு

ஜார்க்கண்ட் முன்னாள் முதல்வரும், ஜார்க்கண்ட் முக்தி மோர்ச்சா (ஜேஎம்எம்) கட்சியின் தலைவருமான சிபு சோரன் (81) ராஞ்சியில் காலமானார். சிபு சோரன் 1944, ஜனவரி 11-ம் தேதி ஜார்க்கண்டின் ஹசாரிபாக் மாவட்டத்தில் (தற்போது ராம்நகர் மாவட்டம்) பிறந்தவர், முக்கிய பழங்குடியின தலைவராக திகழ்ந்தவர். அவர் மூன்று முறை ஜார்க்கண்ட் முதல்வராகவும், மத்திய அமைச்சராகவும் பதவி வகித்துள்ளார்.

மாநிலச் செய்திகள்

பசுமை புத்தாண்டுத் திட்டம்

பசுமை புத்தாண்டுத் திட்டம் புத்தாண்டுத் தோழர்களின் பங்கு முக்கிய திட்டத்துக்கான நிறைவுச் சான்றிதழ்கள் 40 பேருக்கு வழங்கப்பட்டன சென்னை தலை நிறுவனக் கட்டிடத்தில் கிளைவாய்ப்பு வழங்கும் நிதலில், சான்றிதழ்களை தூண முதலீவர் உதயநிதி ஸ்டாலின் வழங்கினார் காலநிலை நடவடிக்கை மற்றும் சுழற்சியில் நிர்வாகத்துக்கான பிரத்தியேகமான, மாற்றும் புதிய வாய்ப்புகள் முதலுமைச்சரின் பசுமை புத்தாண்டுத் திட்டம் தொடங்கப்பட்டது இந்தியாவிலேயே முதல் முறையாக தொடங்கப்பட்ட இந்தத் திட்டம், சுற்றுச்சூழல் மற்றும் காலநிலை மாற்றத் துறையின் கீழ், அண்ணா பல்கலைக்கழகத்தின் அறிவியல் கல்வி உருவாக்கத் திட்ட ஒருங்கிணைப்பின் மூலம் செயல்படுத்தப்பட்டது.

தூத்துக்குடியில் மின்சார கார் ஆலையை தொடங்கி வைத்தார் முதல்வர்; ₹32,554 கோடியில் 41 புரிந்துணர்வு ஒப்பந்தங்கள் கையெழுத்து

தமிழகத்தில் முதன்முறையாக தூத்துக்குடியில் ₹16,000 கோடி முதலீட்டில் மின்சார கார் உற்பத்தி தொழிற்சாலையை முதல்வர் மு.க. ஸ்டாலின் தொடங்கி வைத்தார். ‘தமிழ்நாடு வளர்கிறது’ முதலீட்டாளர் மாநாட்டில் முதல்வர் முன்னிலையில் ₹32,554 கோடி முதலீட்டில் 41 புரிந்துணர்வு ஒப்பந்தங்கள் கையெழுத்தாகின. வியட்நாம் நாட்டைச் சேர்ந்த ‘வின்ஃபாஸ்ட்’ நிறுவனத்தின் இத்தொழிற்சாலை, தூத்துக்குடி சிப்காட் பகுதியில் 408 ஏக்கரில் அமைக்கப்பட்டுள்ளது. இத்தொழிற்சாலை ஆண்டுக்கு 1.50 லட்சம் மின்சார கார்கள் உற்பத்தி செய்ய இலக்கு நிர்ணயிக்கப்பட்டுள்ளது; தற்போது ஆண்டுக்கு 50 ஆயிரம் கார்கள் உற்பத்தி செய்யும் அளவுக்கு கட்டமைப்பு தயாராக உள்ளது. இந்த ஆலைக்கு கடந்த ஆண்டு பிப்ரவரியில் முதல்வர் மு.க. ஸ்டாலின் அடிக்கல் நாட்டினார். புரிந்துணர்வு ஒப்பந்தம் கையெழுத்தான 18 மாதங்களுக்குள் உற்பத்தி தொடங்கப்பட்டுள்ளது. மின்சார வாகன உற்பத்தியில் தமிழகம் இந்தியாவின் தலைமைத்துவமாக திகழ்கிறது; நாட்டின் மொத்த மின்சார வாகன உற்பத்தியில் 40 சதவீதம் தமிழ்நாட்டில் தான் உற்பத்தி ஆகிறது. கையெழுத்தான 41 ஒப்பந்தங்கள் மூலம் 49,845 பேருக்கு வேலைவாய்ப்பு உருவாகும். 41 ஒப்பந்தங்களில், சிறு, குறு மற்றும் நடுத்தர தொழில் நிறுவனங்கள் (MSME) சார்பில் ₹265.15 கோடி முதலீட்டில் 19 ஒப்பந்தங்கள் மூலம் 1,196 பேருக்கு வேலைவாய்ப்பு ஏற்படும்.